Tolosako Udal Txistulari Bandak dantzan jarri ditu goizeko 6:00etan Plaza Zaharrera gerturatu diren inauteri zale guztiak. Urtero legez, herri lanetarako langileek anis trago eta gailetak banatu dituzte udaletxeko arkupeetan. Bertara gerturatu diren gehienak atzoko mozorro berarekin jarraitzen zuten, eta gutxi batzuk izan dira Asteartita eguneko mozorroa estreinatu dutenak.
Txistularien lehen notak entzutearekin batera saltoka hasi dira gehienak, hotzari aurre eginez. Beste batzuk herri lanetako langileek banatutako anis tragoarekin berotu dute gorputza. Horren ostean, batzuk lotarako bidea eta beste askok zezen plazarakoa egin dute, txarangen atzetik.