Sokamuturrak iraun bitartean, zerua ateri mantendu bada ere, aurreko orduetan euria egin duenez, Plaza Zaharreko eta Zerkausia kaleko lurra labainkorra geratu da. Honek eragina izan du zezenen eta lasterkarien joan-etorrietan. Baten zein besteen muturrak behin baino gehiagotan lurra zapaldu dute; eroriko ugari egon dira. Eta horren ondorioz baita muturrak odoletan geratu ere.
Zezenek korrikalarien atzetik segika joatea gustuko badute ere, gaurkoan, behin baino gehiagotan, denden eta tabernen erakusleihoei begira geratu dira; seguruena, euren burua bertan islaturik ikusi eta ezer gutxi ulertzen ez zutelako. Honela, pareta eta egurren kontra ere joan dira zezenak.
Zezenen sokari loturik, eta era berean zezenen zaindari, Marques de Sakakoak aritu dira, Lasturko Zezenak, alegia.
