Urtero, Zaldunita Bezperako goizetan, Alde Zaharreko kaleak Udaberriko dantzari txikiek koloreztatzen dituzte; bada, aurtengoan kolore horiek huts egingo dute, iragarrita dagoen eguraldia medio. Iker Ibarluzea eguraldi adituak horrela aurreikusi du gaurko goiza: «Zaparradak ugariak eta tarteka mardulak izango dira egunaren lehen zatian. Mendebaldeko haize zakarra nagusituko da eta tenperaturak nabarmen egingo dute behera, nekez gaindituko dituztelarik 9-12 graduak egunaren erdiko orduetan».
Buruhandi eta erraldoiak, bai
Goizeko gainontzeko ekitaldien inguruan, Tolosako Udalak jakinarazi bezala, unean unean hartuko dituzte erabakiak. Esaterako, Buruhandi eta Erraldoien konpartsak mantenduko du bere egitaraua eta Tolosako kaleetan barrena ibiliko dira.