Ostiral Mehe egunean hutsik egiten ez duen hitzorduetako bat izan ohi da zezen festa. Urtero bezala, Kabi Alai txarangarekin batera kalejiran sartu dira herritarrak zezen plazara, eta ondoren, harmailak jendez bete dira. Txilabak, serpentina eta konfetiek koloreztatu dute plaza. Hala ere, plaza bera ez da hutsik egon, gazte ugari animatu baitira zezenaren aurrean jartzera. Hainbat ausarta izan dira hondar gainera, baina horietako gutxi batzuk ezin izan dituzte zezenak emandako kolpeetatik ihes egin.