Elkarteak iragan urrian ere antolatu zuen tailerra, eta azaldu duenez, harrera oso ona izan zuen. Horregatik, bigarren tailerra egitea erabaki dute. Minbizia duen gaixoaren egoera fisikora ez ezik, haren egoera emozionalera ere egokitzen dituzte yoga onkologikoko saioak, eta «estresa murrizten, emozioak kudeatzen, kontzentrazioa errazten eta askotan autoestimua indartzen» ere laguntzen dutela azaldu dute antolatzaileek.
Minbiziaren Aurkako Elkarteak doako yoga ikastaroa antolatu du Tolosako Parashakti eskolan, minbizi prozesua igarotzen ari diren herritarrentzat. Otsailaren 21ean hasiko da, eta apirilaren 10era arte luzatu. Asteazkenetan izango da 11:15etatik 12:30era. Parte hartu nahi dutenek izena eman beharko dute Minbiziaren Aurkako Elkartearen webguneko formularioa beteta. Informazio gehiago nahi duenak 943 65 21 43 telefonora hots egin edo gipuzkoa@contraelcancer.es helbidera idatzi dezake.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!