Elkarteak iragan urrian ere antolatu zuen tailerra, eta azaldu duenez, harrera oso ona izan zuen. Horregatik, bigarren tailerra egitea erabaki dute. Minbizia duen gaixoaren egoera fisikora ez ezik, haren egoera emozionalera ere egokitzen dituzte yoga onkologikoko saioak, eta «estresa murrizten, emozioak kudeatzen, kontzentrazioa errazten eta askotan autoestimua indartzen» ere laguntzen dutela azaldu dute antolatzaileek.