Ander Martinez de Rituertok 23 urtez azpiko Espainiako Txapelketa irabazi du

Ataria 2024ko otsailaren 5a
Deskargatu Info Ahotsak :
Español English Français Català Galego

Tolosarrak pertikan lortu du garaipena, 5,30 metroko jauziarekin, aurretik berak zuen Gipuzkoako marka absolutua berdinduz. Maria Felisa Okomo tolosarra hirugarren izan da pisu jaurtiketan.

Asteburuan 23 urtez azpiko Espainiako Short Track Txapelketa izan da jokoan Antequeran (Espainia) eta eskualdeko atletek bi domina lortu dituzte. Real Sociedad klubeko Ander Martinez de Rituertok urrezko domina lortu du pertikan, 5,30 metroko jauzia eginez. Marka horrekin berak aurretik zuen Gipuzkoako errekor absolutua berdindu du. Bestalde, Maria Felisa Okomo Tolosa CF-ko atleta tolosarrak brontzezko domina lortu du pisu jaurtiketan, bola 12,62 metroraino jaurtiz.
 
Tolosa CF-ko beste lau atleta ere izan dira lehian txapelketan. Iker Esnaolak pisu jaurtiketan finalista postua lortu du, zortzigarren eginez, 13,34 metroko jaurtiketarekin. Nora Ituarte eta Irati Azpilgain 60 metrotan aritu dira eta 7,84 eta 7,97 markekin kanporaketa serieetan gelditu dira. Mikel Irastortza 60 metro hesietan aritu da eta 8,78rekin urteko marka egin du, baina ezin izan du finalerdietara igaro.
 
Ander Martinez de Rituertok txapelketa irabazteko egindako 5,30 metroko jauzia:
 
https://x.com/ixazebe/status/1753895989688107410?s=20https://x.com/ixazebe/status/1753895989688107410?s=20
https://x.com/ixazebe/status/1753895989688107410?s=20

kirola Tolosa

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!


EGIN ATARIKIDE!