Datorren asteazkenean, urtarrilak 24, bilera irekia egingo du Tolosako Udalak plataformadun eta plataforma gabeko konpartsa txikiekin.
Bileraren helburua da konpartsen bueltan dauden hainbat gairen inguruko azalpenak ematea: Ferialekuaren erabilera, diru laguntzak eskatzeko egin beharreko izapideak edota musikaren bolumenari eta elkarbizitzari loturiko arauak, besteak beste.
Bilera 19:30ean izango da kultur etxean eta deialdia irekia bada ere, nahikoa izango da konpartsa bakoitzeko ordezkari bana gerturatzea.