Inauterietako antolaketa lanekin jarraituz, Tolosako Udalak 12 trafiko laguntzaile kontratatuko ditu festetarako, zehazki Zaldunita, Astelenita eta Asteartita egunetarako (otsailak 11, 12 eta 13). Egun horietan Tolosako kaleetan jende asko batuko denez, guztien segurtasuna bermatzea eta trafikoa antolatuta mantentzea da helburua. Hori horrela, pertsona horiek udaltzaingoaren laguntzaile gisa jardungo dute.
Oinarriak eta hautaketa prozesuan parte hartzeko eskaera orria UDATEn (Herritarren Arreta Zerbitzua) edo udal webgunean daude eskuragarri. Interesa duenak urtarrilaren 24ko 13:00ak arte dute eskaera aurkezteko epea.