Batetik, Kondeaneko Aldapan, Inmakulada Lanbide Ikastolaren parean, jarri dute abiadura-murriztaileetako bat. Ikusgarritasun gutxiagoko puntua dela esan du udalak, errepidearen malda aldatzen baita leku horretan. Haur ugari ibiltzen da egunerokoan, gainera.
Bestetik, Jon Andoni Irazusta kalean (biala) ere jarri dute, Trinkete plaza eta Ibaiondo kalearen arteko bidegurutzearen inguruan. Eremu horretan errepidean pintaketa lanak ere egingo dituzte. Era berean, Larramendi auzoko gasolindegiaren inguruan ere murriztaile berriak jarri dituzte, oinezkoen pasabidea babesteko. Eta azkenik, Gudari kalean, Samaniego kaleko bidegurutzea baino lehen, jarri dute beste bat.