Lehenik eta behin, antolatzaileek ekintzaren zergatia azaldu zieten bertaratutako herritarrei. Ondoren, habiak eraikitzeko materiala banatu eta habi kutxen muntaiarako azalpenak eman zituzten. Behin hau eginda, habi kutxak eraiki eta margotu zituzten, taldeka. Guztira, bi motatako 20 habi kutxa eraiki zituzten herritarrek.
Ekitaldiari amaiera emateko, partaide guztien artean, Zumardiaundian zintzilikatu zituzten habiak. «Udaberriaren zain geratu dira, non txolarreek, txantxangorriek, kaskabeltzek edota amilotxek euren belaunaldi berriak sortzeko toki aproposak aurkitu ahal izango dituzten», adierazi dute antolatzaileek.
Argazkiak: Ner group elkartea.