Partida erabakigarria izan da, gaur, Tolosako Beotibar pilotalekuan jokatu dena. Izan ere, eskualdeko bi pilotari, Peña II.a eta Artola, aritu dira aurrez aurre finalerdirako pasea lortzeko lehian. Tentsio handiko partida izango zela nabaritu da hasieratik, lehen zatia nahiko berdindua izan baita. Hala ere, biek garaipen-aukerak izan dituzte azken pilotakadetaraino.
Azken tantoetan pilotari tolosarrak balantza hautsi eta 20-22ko emaitzarekin finalerdirako pasea lortu du lehen aldiz. Datorren igandean, Astelena pilotalekuan, Peio Etxeberriaren aurka neurtuko ditu indarrak finalerako txartelaren bila.