Berazubiko bizilagunek eguraldia lagun izan dute azken festa egunean. Emakumezkoen toka txapelketa jokatu dute goizean, eta horren ostean, Vermucomedia izeneko ikuskizuna ikusteko aukera izan dute, Richard Erosen eskutik. Bizilagun ugari gerturatu da eta barre-algaren artean gozatu dute ikuskizunaz. Bitartean, paella erraldoia prestatzen aritu dira eguerdian antolatu duten bazkarirako.
DJ Meyd-ek emango dio hasiera arratsaldeko festari, eta horren ostean, 19:00etan dantza areto emanaldia eskainiko du Dantzaki dantza eskolak. Iluntzean, arratoiaren erretzearekin agurtuko dituzte aurtengo jaiak.