Aurreko astearen bukaeran egin zuten sari banaketa, Bermeon, Hegaluze ontzian. Nerea Perez tolosarrak Donostiarra traineruko patroi moduan Euskotren Ligan egindako lanarengatik jaso du saria, eta Gorka Aranberri Urdaibai traineruko patroiak jaso du CaixaBank Patroirik Onenaren Saria Eusko Label Ligan egindako lanarengatik. Lehen aldia da biek sari hori irabazten dutena, eta garaikurra eta 3.000 euroko txekea jaso zituzten.
Perezek azaldu zuenez, «denboraldi ona egin dugu, banderak irabaziz. Egia da Orion arazo bat izan genuela, eta horren ondoren pixka bat buelta ematea kosta zitzaigula, baina sari honekin gauza horiek pixka bat ahaztu egiten dira».
Argazkia: EUSKO LABEL LIGA