Hamasei herrialdetako zaporeak hamabost postutan. Goizean zehar Alhondegi plazara gerturatu direnek nazioarteko mokaduak probatzeko aukera izan dute "11 herrialde, 11 zapore" lelopean, aurten ere 'Pintxotour interkulturala eta solidarioa' antolatu baitu Zutani elkarteak.
Antolatzaileek azaldu dutenez urtetik urtera zabaltzen ari dira egitasmoa, eta gero eta jende gehiagok hartzen du parte. Nabarmendu dute azokako parte hartzaile guztiak eskualdean bizi direla, eta horrelako ekimenek "lan handia" eskatzen badute ere, "oso baliagarriak" direla jendeak beste kultura batzuk ezagutzeko eta "aurreiritziak gainditzeko".
