Mugikortasun Astearekin eta Asteklimarekin bat eginez, ekintza sorta antolatu dute eskualdeko udalek, gizartean kontzientzia pizteko helburuarekin. Hala, gaurkoan, Zumardia elkartearen eskutik, bigarren eskuko azoka jarri dute Alondegi plazan goizean. Bertan, bizikletak nahiz materiala saldu eta erosteko aukera izan da.
Bizikleta eta material asko izan dela aukeran esan dute antolatzaileek. Izan ere, jende askok eraman du erabiltzen ez zuen bizikleta edo materiala, eta asko izan dira, halaber, horiek prezio baxuan erostea baliatu dutenak.