Bizikletaz Adinik Ez ekimeneko kideak Tolosako Iurreamendi eta Uzturre adinekoen egoitzetan izan dira. Hain justu, triziklo bereziak ekarri dituzte, adinekoek horietan txangoak egin ahal izateko.
Antolatzaileek azaldu dutenez, ekimen horren bitartez, adinekoek beren komunitatearekin konektatzeko aukera dute. Izan ere, trizikloan eserita joan dira, pedalei eragin beharrik gabe, herriko bidegorrian, eta inguruan ziren herritarrak agurtuz. Hasieran erronka berriaren aurrean zalantzati ziren arren, adinekoek gustura hartu dute txangoa.
Bizikletaz Adinik Ez ekimena Gipuzkoako Foru Aldundiarekin duten lankidetzari esker burutzen da, eta Tolosakoetara bezala, Gipuzkoako beste egoitzara ere eramango dute proiektua, guztira 129 pertsonak parte hartu ahal izango dutelarik, urrira bitarte egingo dituzte bisitetan.
