Tolobolei elkartetik adierazi dutenez, giro onean jokatu da txapelketa eta parte hartu duten taldeei eskertu diete beraien prestutasuna. Izan ere, larunbatean jokatu zituzten kanporaketak eta finala, eta eguraldiak ez bazuen batere lagundu ere, taldeek euren partidak jokatu zituzten. Aurten Plaza Berria izan da txapelketa jokatu den gunea.
Behin txapelketa amaituta, larunbat gauean Fronton jatetxean elkartu ziren parte hartzaileak. 200 bat pertsona elkartu ziren bertan eta gero festak Tolosako kaleetan izan zuen jarraipena. Toloboleitik nabarmendu dute parte hartzaileen artean izan den giro ona, eta 18 urteko jokalariak zein 50 urtetik gorakoak ere izan direla. «Txapelketak, boleibola praktikatzeaz gain, jendea elkar ezagutzeko balio izaten du», azaldu dute antolatzaileek.
