Atzo arratsaldean jokatu ziren 55. Berazubiko Pala Txapelketako finalak. 18:00etan hasita, nesken mailako finala jokatu zuten lehenik: Lopez-Aldasoro bikotea izan zen irabazlea, Karrera-Alberdi bikotea 30-17 garaituta. Bigarren partida, gizonezkoen bigarren mailakoa izan zen. Kasu honetan, Murua-Goitia izan ziren txapela jantzi zutenak Landa-Gereñu bikoteari, 30-15 irabazita. Eta azken partidan, gizonezkoen lehen mailakoan, Loidi anaiak 30-22 gailendu ziren Altuna-Zabala bikotearen aurka.
Lopez-Aldasoro, Murua-Goitia eta Loidi-Loidi bikoteek jantzi dituzte txapelak, hurrenez hurren, emakumeen mailako, gizonezkoen bigarren mailako eta gizonezkoen lehen mailako finaletan.
Erlazionatuak
Berazubi Pala Txapelketako finalak erabakita
2023 uzt 28 Tolosa
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!