Espainiako Kongresurako hauteskundeekin batera, Espainiako Senaturakoak ere egin ziren atzo. Gipuzkoak sei ordezkari izango ditu Diputatuen Kongresuan eta lau Senatuan. Espainiako Kongresuari dagokionez, ondorengoak izango dira ordezkariak: EH Bilduko Mertxe Aizpurua eta Jon Iñarritu; PSE-EEko Rafaela Romero eta Maria Luisa del Pilar Garcia Gurrutxaga; eta EAJko Maribel Vaquero eta Joseba Agirretxea. Senatukoak berriz, ondorengo lauak izango dira: EH Bilduko, Gorka Elejabarrieta, Olaia Duarte eta Mario Zubiaga tolosarra; eta EAJko Luke Uribe Etxebarria.
Tolosarra senatari
1963. urtean Tolosan jaio zen Mario Zubiaga Garate. Zuzenbidean lizentziatua eta Zientzia Politikoetan doktorea da. Euskal Herriko Unibertsitateko irakaslea, politologoa, soziologoa, gizarte-ekintzailea eta Gure Esku dinamikako kidea da. Hainbat liburu argitaratu ditu eta zenbait komunikabidetako iritzi emaile ere aritua da. Lehen aldia izango du senatari modura.