Ane Martin Tolosa CF Atletismo taldeko atleta tolosarrak lasterketa izugarria egin zuen atzo, Bartzelonako (Herrialde Katalanak) Mitinean, Serrahimako estadioan jokatutako 1.500 metrotako proban. B seriean parte hartu zuen, eta lasterketa irabazteaz gain, bere marka 7 segundotan hobetu zuen, beste behin ere, Tolosa CF-ko errekor berria ezarriz, 4.24,63ko denbora eginda. Denbora honekin, 20 urtez azpiko Europako Txapelketarako gutxieneko marka egitetik oso gertu geratu da.
Astean zehar beste lasterketa batzuk jokatu dituzte, Tolosa CF Atletismo taldeko atletek. Gasteizen, Maddi Lillo tolosarrak bere marka pertsonala hobetu zuen 100 metrotako proban, 12,40ko denbora eginda. Castro Urdialesen (Kantabria), berriz, Alberto Rebollok 13,56ko denbora egin zuen 100 metrotako proban, eta 1.03koa 400 metrokoan; Castro Urdialesen baita ere, Maddi Perurenak 1.09ko denbora egin zuen 400 metro hesiak proban. Klubetik adierazi dutenez, «oso emaitza onak» izan dira atletek lortutakoak.
Maddi Lillo, Gasteizen.
Alberto Rebollo, Castro Urdialesen.