Azken egunotan (ekainaren 22ko arratsaldean hiru orduz, eta gaur goizean, beste bost orduz) Tolosako hainbat gune argindarrik gabe geratu dira. Egoeraren larritasuna kontutan izanda, azalpenak eskatuko ditu Tolosako Udalak. «Ezohikoak bezain larriak izan dira mozketak, eta merkatari, ostalari zein herritar askori eragozpen eta kalte handiak sortu dizkigute», esan du.
Udalak, kaltetu modura, nahiz ezinegona adierazi duten herritar, merkatari eta ostalarien izenean, azalpenak eskatuko dizkio Iberdrolari, «gertaera hauen arrazoiak argitu ditzan eta berriz ere gerta ez daitezen neurri eraginkorrak har ditzan». Era berean, Eusko Jaurlaritzari esku har dezan eskatuko dio udalak.