Arrameletik iritsi dira Trianguloa plazara, Udalbatza, Tolosako Udal Musika Banda, Udal Txistulari Banda, bordon dantzariak eta eskopetariak. Udaberri dantza taldekoek bordon dantza dantzatu ostean iritsi da udal ordezkarien txanda. Andu Martinez de Rituerto alkateak aurreskua dantzatu die, plaza erdian, Tolosa CF eta Hodeiertzeko ordezkariei, beraien urteurrenagatik. Eta ondoren etorri da zinegotzien axeri dantza. Plaza inguratuz zeuden eskopetariek azken tiroak bota dituzte.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!