Beste herrietan bezala, Tolosan ere piztu dute sua. Herri langileek sua piztearekin batera, Andu Martinez de Rituerto alkateak lore sorta sutara bota du eta Udal Musika Bandak San Joan zortzikoa jo du oholtzan. Eta salto egin dute herritarrek, haur, gazte eta helduek. Batzuek, behin baino gehiagotan.
Horren ostean etorri da Udaberri dantza taldearen emanaldia. Hainbat dantza eskaini dituzte oholtzan, ikustera gerturatu den jendetzaren aurrean. Eta Hodeiertz abesbatzak itxi du ekitaldia.
