Rondilla kalea ibilgailuentzat itxiko da ekainaren 24ko 9:00etatik ekainaren 25eko 7:00ak arte. Hau da, aipatu kalean ezingo da ibilgailurik sartu edota atera larunbat goizetik igande goiza bitarte.
Horri lotuta, Rondilla kaleko zein San Frantzisko eliza pareko autobus geltokiak zerbitzuz kanpo egongo dira eta Santa Klarara lekualdatuko dira.
Segurtasuna ardatz San Joan suan
Herritar ororen segurtasuna bermatzea ardatz izanik, aurten, Segurtasun Plana garatu da Tolosako Udalak antolatutako San Joan surako, baita auzoetan egiten diren su txikiagotarako ere, eta horri jarraiki, ezinbestekoa izango da suarekiko 15 metroko segurtasun distantzia mantentzea beti.
Su artifizialak ikusteko gomendioak
Urtero legez, San Joan egunari amaiera emango zaio su artifizialekin. Jon Andoni Irazusta pasealekua (biala) itxita egongo da, Telepizza paretik Dama Berdeko iturrira bitarte, hain zuzen Ibarrako biribilguneraino, Zumarditxikia, Nafar zubia eta Izaskungo igoera (ospitalera) barne.
Tolosako Udalak suak ikusteko herritarren segurtasuna bermatzeko jarritako itxiturak errespetatzeko deia egiten du eta esate baterako Napar Zubian ez sartzea eskatzen du.
Gune Morea
Asteburu honetan ere, Gune Morea, indarkeria matxistarik gabeko gunea kokatuko da larunbatean, informazio eta arretarako, Andragora Tolosaldeko Emakumeen Etxean. Gune hau da zabalik egongo da 00:00etatik 5:00etara.
Horrekin batera, udaltzaingo zerbitzua ere 24 orduz eskainiko da eta hala behar duenak ondorengo telefonora dei dezake: 943 675 858.