Haur eta gaztetxoak ere festan murgiltzeko aukera izan dute aurtengo San Joan jaietan. Horretarako, gaur, haurren eguna ospatzen ari dira, eta goizean ez ezik, arratsaldean ere ekintza ugariz gozatzeko aukera izango dute.
Goizean eguraldia lagun izan dutenez, Zumardiaundian izan dute hitzordua. Bertan, eskulan tailerrean aritu dira. Gutxi batzuk arpegia margotzera animatu dira, haien pertsonai edo animali gustukoen antzera. Tailerrak bukatuta, Zirikazirkus haur ikuskizuna ikusteko aukera izan dute.
Musika ez da faltako gaurko egunean eta oroimen kontzertua izan da, Buru Bihotz elkartearekin elkarlanean eta Orkestina Band Jazpana taldearen dantzaldia. Ondoren, Muare taldearen kontzertua izan da.
Arratsaldean, berriz, 19:00etan, Euskal Herria plazan Tolosako Udal Txistulari Banda antolatuta, txistulari kontzertu berezia eskainiko dute, Euskal Herriko txistulariak eta musikari gonbidatuekin. Gatibu Taldeko abeslaria den Alex Sardui izango da gonbidatu berezia, hain zuzen. 20:30etan Plaza berrian izango den Puro Relajoren kontzertuarekin emango zaio amaiera egunari.
