Gorka Otaegik aurkeztu du saioa: abesbatzei behar bezalako sarrera eskainiz eta beste horrenbeste egin du epaimahaiarekin, bere hitzetan "rock izarrak balira bezala".
Aurkezpen laburrean barrerako aukera egon da, baina hortik aurrera seriotasuna nagusi. Bi abesbatzen profesionaltasuna jarraituz, Leidorreko entzuleria isil-isilik adi-adi jarraitu ditu oholtza gainetik jasotako doinu aingerutarrak.
Ad Libitum (Valentzia, Herrialde Katalanak) ganbera abesbatza Francesc Gamón Olmoren zuzendaritzapean parte hartzen ari da 53. Tolosako Abesbatza Lehiaketan. Eta, Mixed Choir Maska (Babite – Letonia) berriz, Janis Ozols zuzendari lanetan duela parte hartzen ari da Tolosako lehiaketan.
Azken orduak
Gaur, iluntzean, 19:30ean, Santa Clara elizan, ISCMren 100. urteurrena dela eta, Musikagileak elkarteak abesbatza a,ateurrentzako konposizio lehiaketa bat martxan jarri zuen eta lehiaketan saritutako bi lanak KUP Taldeak estreinatuko ditu, hainbat konposizio garaikideekin programa osatuz.
Bihar, berriz, 11:30ean hasita, Leidorren Lehiaketaren Amaiera Saioa izango da.