Gizonezkoetan Aitor Mimenza azpeitiarra eta emakumezkoetan Maria Navascues tolosarra izan dira helmuga gurutzatzen lehenak, Tolosako XXXIV. Herri Krosean. San Esteban auzoko Ttonttor Kultur Elkarteak antolatutako lasterketa da honakoa, ospatzen ari diren Kultur Astearen barruan kokatu dutena. Denera 180 parte hartzaile izan ditu aurtengo edizioak, horietatik 30 emakumeak izan dira.
Joseba Olaetxea Mimenza irabazlearen atzetik helmugaratu da, bigarren postua lortuz, eta ondoren iritsi da Iker Manso tolosarra ere podiuma osatzera. Emakumezkoetan, podium tolosarra osatu dute. Navascuesen atzetik Izaro Perurena eta Leire Elola iritsi dira helmugara. Parte hartzaileek 8,1 kilometro egin dituzte, Tolosako kaleetan.
Helduen lasterketa amaitzean, haurren txanda izan da.