Noiz eman zenuen izena eskola hauetan?
Sorreran eman nuen izena lehen aldiz, duela 15 urte. Mugabe elkartearen ekimenak eman zigun aukera hasteko eta jarraipena bermatzen ez zigutenez geure elkartea sortzera erabaki genuen. 20 bat lagunek hartzen genuen parte hasieran. Urte gutxi batzuetan kopuru horretan mantendu ginen, baina azkenaldiaz urtez urte geroz eta jende gehiago animatzen da. Gainezka egingo dugula dirudi.
Zergatik erabaki zenuen izena ematea?
Mekanikaria nintzen eta erretiroa hartu nuenean eman nuen izena esperientziaren eskola deitutako horietan. Denbora libre nahikoa banuenez, ekimen interesgarria iruditu zitzaidan. Trebatzeko aukera eta aldi berean beste jende batekin harremana egiteko bidea ematen digu hitzaldietan parte hartzeak.
Urte guztiotan arreta eman dizu hitzaldiren batek?
Interesgarriak izan diren hizlari asko egon dira, gurekin lehen urtetik parte hartzen dutenak. Gogoan daukat Ibarretxe lehendakaria ere etorri zela gurera. Ikasturte hartan, izen handiko hizlariak etorri ziren.
Hitzaldietan jorratutako gaiak zeuen kabuz lantzen al dituzue gero etxean?
Sakontzeko zenbait erreferentzia ematen dute hizlarietako batzuk. Dena den norberak nahi duen konpromisoa hartzen du; ez da derrigorrezkoa parte hartzea, eta noski, ez da azterketarik gainditu behar ikasturte amaieran.