Ana Garro eta Xabier Yanguas klubeko beste bi ordezkarik, oroigarri bana eman zieten Olaetxeari eta Goikoetxeari, ondorengo mezuarekin: «Eskerrik asko urte guzti hauetan pilotaren alde egindako lanagatik». Tolosa-Aurrera Pilota Elkartea, Tolosa CF klubaren pilota saileko elkartea da, eta 2015az geroztik da mendeurrena betetzen ari den klubaren parte.
Pilota jaialdiari dagokionez, herritar ugari elkartu zen frontoian. Hiru partida jokatu ziren. Lehenengoan, Lau eta Erdiko Txapelketako aurre-kanporaketako partida jokatu zuten Agirrek eta Bakaikoak, eta Agirrek irabazi zuen, 22-13. Ondoren, Jaka-Albisuk 15-22 galdu zuten Peña II-Arangurenen aurka, eta azken partidan Tolosa-Aurrerako pilotariak aritu ziren lehian: Altuna-Iztueta bikoak 22-19 irabazi zioten Amiano-Ugartemendiari.
