Udako atsedenaldiaren ostean, hurrengo pausoak emateko indarberrituta heldu dio ikasturteari Lurtaro elkarteak. Horrela, balizko kooperatibaren bazkideekin bilera egingo dute. «Lurtaro elkarteko kideek beste pauso bat emateko garaia iritsi dela uste dugu; hori horrela, kooperatiba eratzeko proposamena eramango dugu bilerara», adierazi dute.
Honakoa izango da gai ordena:
- Lurtaro elkartearen orain arteko bidea.
- Gaur egungo egoera (elkartearen zein bazkidetza kanpainaren egoera, kooperatiba eratzeko aukerak).
- Etorkizuneko proposamenak, eman beharreko hurrengo urratsak.
Lurtaro elkartearekin bat egin eta bazkide egin nahi dutenek, Lurtaro.eus/atxikitu web-orrian dute aukera.