Mugi txartelarekin bidaiatu ahalko da hiribusean irailetik aurrera

Irailaren erdialdetik aurrera aurreikusi dute martxan egotea; udan neguko ordutegia mantenduko du hiribusak.

Mugi txartelarekin bidaiatzeko aukera izango da Tolosako hiribusean, irailetik aurrera. Atzo onartu zuen Tolosa Mugi sarean integratzea Gipuzkoako Garraioaren Lurralde Agintaritzaren Batzarrak (GGLA).

Neurri horri esker, erabiltzaileek errazago izango dute zerbitzua eta tarifa-politika bakarra izango dute, beraz, ez dira arduratu beharko autobusean bonua edo txartel digitala erosteaz edo hiriko autobuseko joan-etorrietan bidaia eskudirutan ordaintzeaz. Garraiobideen arteko integrazioari eta horietako bakoitzean dauden ordainketa-sistemei esker, baieztatu dutenez, irailaren erdialdetik aurrera, sistema teknologikoak egokitzen direnean, bidaiariek Tolosako hiribusean erabili ahal izango dute Mugi txartelarekin.

Udako ordutegia

Uztailean udako ordutegia ezartzen dute hiribus zerbitzuan, baina Tolosako Udaletik esan dutenez, herritarrek egindako eskaerei erantzunez, neguko ordutegia mantenduko da udan ere. Udako ordutegiak salbuespen bakarra izango du, hiribusa ez dela ikastetxeetatik igaroko.

Erlazionatuak

Mugi txartela hiribusean erabili ahal izatea giltzarritzat jo du PSE-EE-k

Tolosa

Joxe Mari Villanueva Tolosako zinegotzi sozialistak esan du garraio publikoaren erabiltzaileentzat "nabarmen" murriztuko dela erabilera.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!