San Joan jaiak hastear diren honetan, trafiko aldaketak izango dira Tolosan datozen egunetan. Bihar eta hilaren 24an, Rondilla kalea itxita egongo da trafikoarentzat, 7:00etatik 00:00etara.
Ondorioz, Rondilla kaleko 34 zenbakiko autobus geralekua Santa Klarara (Zumarditxikia) aldatuko da. Rondilla kaleko geralekua zerbitzuz kanpo egongo da trafikoa itxita dagoen bitartean.
Igandean Orkestrina Band Jazpana taldeak, Buru Bihotzez elkartearekin lankidetzan, Alondegia plazan eskaini behar zuen Oroitzapenerako kontzertua lekualdatu egin da eguraldi iragarpena (tenperatura altuak eta ekaitz arriskua) dela eta, eta Zerkausian izango da. Ordua mantendu egingo da, eta beraz, 11:30ean izango da.
