Tolosako Udalak Ana Yurd elkarteak ukrainar errefuxiatuei laguntzeko antolatu duen janari eta material bilketa nahiz elkarretaratzea babestu ditu, eta deialdi horietan parte hartzeko gonbita luzatu die herritarrei. Elkarretaratzea bihar izango da, 17:00etan, Trianguloa plazan.
Bestetik, elikagai eta material bilketa ere egingo da kultur etxeko areto nagusian, egun osoan zehar. Igandean, berriz, bildutako materiala sailkatu eta bidalketa antolatuko du elkarteak. Tolosako Udala arduratuko da biltzen den materialaren bidalketa gastuez.
Ondorengo materiala bildu nahi dute:
- Premiazko higiene produktuak
- Haurrentzako arropa
- Pixoihalak
- Hotzari aurre egiteko neguko arropak: prakak, elastikoak, azpiko arropa termikoa, galtzerdiak, lo zakuak...
- Etxetresna elektroniko txikiak: buruko linternak, linternak, pilak...
- Elikagaiak: arroza, lekak, pasta, intxaurrak, fruitu lehorrak, txokolatea, barra energetikoak, proteina barritak, gailetak, janaria latan, haurrentzako janaria, edota iraungitzen ez den edozein jaki.
- Osasun material osagarriak: osasungintzako alkohola, bendak, kotoi artilea, erabilera bakarreko eskularruak, ur oxigenatua, Betadine, eskuetako desinfektatzailea...