Tolosarren artean oso ezaguna da herriko gertakari nahiz bitxikeriak, umorez zipriztindu eta mozorro bihurtzeko irudimena. Batzuek besteek baino abilezia handiagoa izaten dute horretarako, eta gaur ere, argi eta garbi geratu zen hori. Batetik, izen propio ugari izan ziren: Isabel Diaz Ayuso, Jose Ignacio Munilla, Rigoberta Bandini... Beste batzuek, herriko gorabeherak izan zituzten hizpide: Oria ibaia hondartza bihurtuta, Tolosa Crossfit taldea edota Hiribusa eta bere istripua. Izan ziren ere Berbaxerka jolasaz edota Puxiken Munduko Txapelketaz mozorrotu zirenak.
Irudimenak gainezka egin zuen, batez ere, konpartsa txiki edo lagunarteko mozorroen artean.
Heldu da Zaldunita eguna eta karrozez eta konpartsez bete dira Tolosako kaleak; herritarrek hain berea duten umorea eta zirtorako grina gailendu dira mozorro gehienetan.
Erlazionatuak
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!