Iluntzeko zortzi t'erdiak puntu-puntuan zirenean, Oargi elkarte paretik abiatu dira emakumeak euren danborrekin batera. Oargi atzean utzita, Tolosako Alde Zaharra kalez kale eta danborren burrunbak lagundurik ibili dute. Ibili, jo, atseden hartu, berriro makilak astindu eta ikusleak txistuka jarri dituzte danborradak irauten zuen bitartean.
Haur, gazte eta helduak, guztiak gidarien aginduei jarraika. Eta emakume danbor-jotzaileek ere bazituzten jarraitzaileak, kalejiran herritarren babesa izan dute. Ostiral Mehea izanik ere, festa doinuetarako gosea bazuten inguruan zebiltzatenek.
