Zezen plaza berriro ere kolorez eta doinuz jantzi da inauterien bigarren egun honetan. Kabi Alai txarangaren doinura ireki dira zezen plazako ateak eta baita zezen txikiak hondarreratu ere. Eguraldia lagun izan dute bertaratu diren haur, gaztetxo eta helduek, eta gaurko egunez doan zenez, ez da jenderik falta izan harmailetan.
Joaldunek euren lana egin behar izan dute zezen txikiak berriro ere etxeratzeko. Edonola ere, inauterietan ohitura bihurturiko zezen festaz gozatzeko aukera izan dute bertaratu direnek; hondarrean bertan eta baita harmailetan ere. Konfeti eta serpentinak berriro ere aire eta lurrean. Zezen plaza iaz ez bezala koloretsu.
