Tolosako Udalak esan du "behin osasun egoera hobetuta" Zuhaitz azoka egitea erabaki duela. Pasa den urtean ez zuten egin, baina aurten zuhaitzak, zuhaixkak, haziak eta landareak izango dira protagonista larunbat honetan. Alondegia plazan egingo dute eta guztira zortzi postu jarriko dituzte 09:00etatik 14:00etara. "Egun hau landare eta zuhaitz mota ugari ikusi eta erosteko aproposa izateaz gain, haiei buruzko zehaztasunak galdetzeko ere egokia da. Izan ere, gustura erantzuten diete mintegietako arduradunek bertaratutakoen kezka eta galderei". Zuhaitz azoka bereziarekin batera larunbateroko azoka izango dela gogoratu du udalak.
2022ko lehen azoka berezia izango da larunbatean. Zuhaitzak, zuhaixkak, haziak eta landareak erosteko aukera izango da Alondegia plazan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!