Atzo, 19:10eak aldera, leherketa bat izan zen Tolosako Iurreamendi auzoko 21. zenbakiko etxabe batean. Ertzainak, suhiltzaileek eta Babes Zibileko langileak bertaratu zirenean, etxebizitzetako batean "kalte handiak" eragin zituela ikusi zuten; ezkaratzean eta alboko etxebizitzan ere kalteak eragin zituela ikusi zuten. Hori dela eta, bizilagunak bere etxebizitzetatik atera behar izan zituzten aldi baterako.
Bertaratu ziren ertzainek, leherketa izan zen etxebizitzako bizilaguna identifikatu zuten, 59 urteko gizonezkoa, eta egiaztatu zuten estupefazienteak landatzeko eta manipulatzeko etxeko gelak erabiltzen zituela. Besteak beste, gas sukoiak aurkitu zituzten, eta ondorioztatu zuten horien erabilerak eragin zuela leherketa.
Asuncion Klinikara eraman zuten gizonezkoa, zaurituta, eta artatu ondoren, atxilotu egin zuen Ertzaintzak, kalte-delitua eta droga-trafikoa leporatuta. Polizia-etxera eraman zuten gero, zegozkion eginbideak betetzeko. Behin jarraibideak amaitzen dituenean, Tolosako Guardiako Epaitegiaren esku utziko dute.