Lehen proban lortutako emaitza ona ezin izan du errepikatu oraingoan Rojok. 30 kilometroko eskiatloi proban 21. postua lortu zuen tolosarrak, orain arte olinpiar jokoetan lortutako emaitza onena. Gaurkoan, lehen postu horietatik urrutiago geratu da, 39. eginez. Hala ere, aurreko jokoetan antzeko probetan lortutako emaitza hobetu du. Orain zortzi urte, proba berean Sotxiko jokoetan 50. postua lortu zuen, eta orain lau urte, Pyeongchangeko jokoetan, 62. izan zen estilo libreko 15 kilometroko proban.
Hirugarren proba batean parte hartuko du Rojok Pekinen. Otsailaren 19an izango da, larunbata, eta 50 kilometroko estilo libreko proban parte hartuko du. Proba horretan orain arte lortutako emaitzak hobetzeko aukera izango du tolosarrak, aurreko txapelketa eta jokoetan hor eskuratu baititu postu onenak.