Presa puzgarriaren sistema konpontzeko urratsak eman ditu udalak

Tolosaldeko Ataria 2021ko abe. 30a, 16:00

Oria ibaiaren ur emaria jaitsita dator azken egunotan, liburutegi parean dagoen presa puzgarriaren sistema elektronikoa abendu hasierako uholdeetan matxuratu zelako.

Abenduan gertatutako uholde eta euriteen ondorioz, Oria ibaian Tolosako liburutegiaren begiratokiaren parean kokatuta dagoen presa puzgarriaren sistema elektronikoa matxuratu zen.

Sistema horrek presa automatikoki erregulatzen du ibaia ur askorekin datorrela sumatzen duenean. Hortaz, presio eta emariak kontrolatzen ditu. Une honetan, ordea, presa ez dago erabilgarri, sistema elektronikoa matxuratuta baitago. Udalak jakinarazi duenez, presa egoera onean dago, baino matxura konpondu bitartean ez erabiltzeko hautua egin dute, presa puzgarria ez kaltetzeko.

Ondorioz, azken egunotan nabarmen jaitsi da Oria ibaiko ur emaria Tolosan. Udalak jakinarazi duenez, dagoeneko jarri da enpresarekin harremanetan, "azterketa sakona egin eta ahalik azkarren sistema elektronikoa konpontzeko".

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!