Eukene Larrarte Europako Pista Txapelketan lehiatu da, Suitzako Grenchen hirian. Posturin onena lehen egunean lortu zuen Tolosako txirrindulariak. Kanporaketa proban bosgarren egin zuen Larrartek, sasoi bikaina erakutsiz. Ondorengo egunean, ordea, omnium proban ez zen hain fin ibili. Scratch-ean 12. postua lortu zuen, tempo race modalitatean 17.a eta kanporaketan 12.a. Guztira 45 puntu pilatu zituen tolosarrak, sailkapen nagusian 14. postuan amaitzeko.
Atseden hartzeko denbora handiegirik gabe, hirugarren lehia egunean, jazarpen probaren txanda izan zen. Tolosarrak lehen hogehiren artean sailkatzea lortu zuen, 17. postua eskuratuz.
Azken proba madison-ekoa izan zen Eukene Larrarterentzat. Tania Calvorekin osatu zuen bikotea lasterketa honetan, eta hamaikagarren helmugaratzea lortu zuten.
Pista estaliko txirrindularitza txapelketa jokatu da Suitzan; txirrindulari tolosarra bertan izan da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!