Amaiera iritsi zaio, beste urte batez, Kultura Plazara jaialdiari. Ekainean hasita, hainbat eta hainbat artista, talde edota eragile izan dira Tolosako zezen plaza eta herriko beste hainbat txoko zapaldu dituztenak. Tolosarrak eta inguruko herritarrak izan dira berriz, euren lan eta ikuskizunetaz gozatu dutenak. Beste urteen antzera, aurtengo edizioak programazio ikusgarria izan du, baina inoiz baino amaiera berezigoa. Izan ere, pandemiaren ondorioz denbora luzez kalera irten gabe egon diren Tolosako buruhaundi eta erraldoiak bueltatu dira jaialdiari agur esateko, indartsu eta festarako gogo izugarriarekin.