Leidorrek 600 eserlekuko edukiera izango du bihartik aurrera, edukiera osoaren %75, eta Tolosako Udalak esan du datozen egun eta asteetan normaltasuna eta edukierak berreskuratzeko lanean jarraituko duela. Edozein kasutan, maskara erabiltzea derrigorrezkoa izango da. Ordutegiari dagokionez, helduen saioak 19:00etan mantenduko dira eta, haurrenak, berriz, 17:00etan izango dira. Bestalde, urriaren 30a eta azaroaren 1aren arteko emanaldiak Topic-en egingo dituzte, Leidor abesbatzen lehiaketan murgilduta egongo delako.
Gogorarazi du ere 10, 20 eta 30 zine saiotarako bonuak eskuratu daitezkeela webgune honetan edo Leidorreko leihatilan. Bonuen iraungitze data abenduaren 31 izango da, hau da, bonuak edozein garaitan erosten direla ere, abenduaren 31tik aurrera ez dute baliorik izango eta ezingo dira erabili.
Kontsultatu urriko zine programazio osoa hemen.