"Penarekin" eman du Caminosek berak sare sozialen bitartez berria. PCR proban positibo eman ondoren, Munduko Txapelketan parte hartzeko aukerarik gabe geratu da. Espainiako selekziotik parte hartu behar zuen Caminosek, eta selekzioko kideei txapelketan zorte ona izan dezatela adierazi die.
Orain etxean egotea tokatzen zaiola gaineratu du tolosarrak eta Munduko Kopako probetan parte hartzeko asmoa azaldu du. Abuztuan Europako txapeldun izan zen Caminos, eta irrikaz zegoen Munduko Txapelketan parte hartzeko.