Ixaka Lopez Mendizabalek Tolosan zuen argitaletxean sartu, eta liburuak ostu ostean, Plaza Zaharrean, plaza erdian pilatuta, guztiei su eman zieten. Su-txondorrarekin, euskal kultura suntsitu nahi izan zuten, eta Euskal Pizkundea sutara kondenatu. Abuztuaren 11a zen, eta 1936. urtea.
Tolosako Udalak, duela bost urte, herriko liburutegiko eta eskoletako euskal liburuak ere erre zituztela adierazi zuen. Gertakariaren 80. urteurrenean, gertakari "latz" hura gogora ekarri nahi izan zuten: Errautsetatik berpiztuz.