Emakumeen kontrako indarkeriaren aurrean erantzun publikoa emateko Gipuzkoako protokolo instituzionalari jarraituz, foru aldundiak esan du bat egiten duela Tolosako Udalak erasoa gaitzesteko argitaratu duen oharrarekin eta nabarmendu du halako gertaeren oinarrian gizon eta emakumeen berdintasun falta dagoela, "emakumeak kontrolpean eta mendean izan nahi dituzten jarrera eta ideia matxistak", alegia.
Gizon eta emakumeen berdintasuna, emakumeen integritate fisikoa eta sexu askatasuna eskubide urraezinak direla nabarmendu du, eta eskubide horien aurka doazen jarrerek gizartean ez dutela lekurik esan du. "Hori dela eta, foru aldundiak berretsi egiten du gizarte eta erakunde guztion konpromiso aktiboari eusteko beharra, halako eraso sexista eta matxistei aurre egiteko garaian".