Tolosaldea Garatzeneko Turismo sailak Aste Santurako eskaintza zabala eskaini zuen. Eskaintzaren berri emateko Tolosaldeko turismo bulegoak ordutegia zabaldu du apirilaren 5era arte: hain zuzen, 10:00-14:30 eta 15:30-19:00 artean izango da zabalik. Gainera, orduro bisita gidatuak antolatu ditu Tolosan bertan: Alde Zaharra, Tolosako Azoka eta Andre Maria eliza ezagutzeko aukera izango da, gida baten azalpenekin. Hamaika aukera desberdinen artean dago gaur goizean egin den Santa Maria elizako bisita gidatua.
Sorreratik gaur egun arte izan duen eboluzioa ezagutzeko aukera izan dute bisitariek. Izan ere, Santa Maria elizako bazter guztiak miatu dituzte. Kanpoaldea ez ezik, bere barneko altxor berezienak gertu-gertutik ikusteko aukera ere izan dute; pinturak, eskulturak edota organoa, besteak beste.