Tolosako Udalak pilotalekua Osakidetzaren esku utzi du COVID-19aren aurkako txertaketa kanpaina bertan egin ahal izateko; 14:00etatik aurrera hasi dira txertoa jartzen pilotalekuan.
Gripearen aurkako txertaketa kanpainarekin egin bezala, COVID-19aren aurkako txertaketarako ere Tolosako Udalak bere azpiegitura bat Osakidetzaren esku utzi du: kasu honetan, Beotibar pilotalekua. Gaurtik aurrera, beraz, eskualdeko txertaketak bertan egingo dira.
Txertoa jasotzeko hitzordua izatea beharrezkoa da, orain arte moduan. Eta hitzordua emateko Osakidetzako langileak jarriko dira harremanetan herritarrekin. Txertaketa prozesuak martxan jarraitzen du hortaz, kokaleku berrian.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
