Imanol Rojok "oso pozik" dagoela azaldu du egindako lasterketarengatik: "Nire postu onena da distantzia honetan, Munduko Txapelketa batean. Atzean atera nintzen, 43 dortsalarekin, eta elurra gero eta motelago zegoen, eta horregatik lasterketa oso ona egin dut eta oso gustura nago lortutakoarekin".
Skatineko proba bere bigarrena izan da Alemanian jokatzen ari den Munduko Txapelketan. Aurrekoan, skiatloi proban, 30 kilometrokoan, 19. postuan amaitu zuen, orain arte lortu duen posturik onena Munduko Txapelketa batean. Igandean izango da hirugarren eta azken proba berarentzat, 50 kilometroko lasterketa klasiko eran. Distantzia horretan ondo moldatzen da tolosarra, eta beste emaitza on bat lortzeko asmoz aterako da.