Sei hautagai zeuden Juan Luis Ibarrak utzitako hutsunea betetzeko, Iñaki Subijana, Mercedes Guerrero, Antonio Garcia, Edorta Etxarandio, Luis Garrido eta Garbiñe Biurrun. Bada, Espainiako Botere Judizialaren Batzorde Nagusiak 13 botorekin Subijana aukeratu du Euskal Autonomia Erkidegoko Justizia Auzitegi Nagusiko presidente kargurako. Orain arte Gipuzkoako Lurralde Auzitegia zuzendu du Subijanak, eta Demokraziarako Epaileak elkarteko kide ere izan da.
Garbiñe Biurrun epaile tolosarraren kasuan, Euskal Autonomia Erkidegoko Auzitegi Nagusiko Gizarte Arloko presidente kargurako berretsi dute.